Çmimi për Demokraci që nderon përpjekjet, aktivizmin, punën apo angazhimin të një qytetari a grup qytetarësh ka ndarë çmimin për këtë vit, duke vlerësuar punën e kolektivit “Haveti” të katër qikave nga Prishtina motrave Hana e Vesa Qena bashkë me Alketa e Lola Sylaj dhe aktivistin e të drejtave të komunitetit LGBTI, Blert Morina.
Çmimi për Demokraci 2018 i ndarë nga Fondacioni për Shoqëri të Hapur ka vlerësuar aktivizmin e kolektivit “Haveit” si ndikues për të nxitur demokracinë në vend, teksa Blert Morina për nxitjen e demokracisë në raport me orientimin seksual, që e ka zhvilluar me procesin e tij të ndërrimit të emrit dhe gjinisë në dokumentet zyrtare.
“Haveit” me performancat e tyre lidhen ngushtë gjithashtu me të drejtën e LGBTIQ por mbi të gjitha kanë reaguar për pabarazinë gjinore dhe dhunën sistematike ndaj grave.
Me këtë çmim ishte nderuar edhe Gazeta Insajderi për punën e saj në zbulimin e të vërtetës dhe luftën kundër korrupsionit, teksa fituesit e këtij viti, “Haveit” dhe Blert Morina u shprehen se Çmimi për Demokraci do të shërbejë si arsye për të mos u ndalur së kërkuari e reaguari për një shoqëri me demokraci të zhvilluar./Insajderi.com
