Presidentja e Kosovës, Vjosa Osmani, të mërkurën ka pritur në takim koordinues për çështje të mbrojtjes ministrin e Mbrojtjes, Armend Mehaj, dhe komandantin e Forcave të Sigurisë së Kosovës, gjenerallejtënant Rrahman Rama, njofton Insajderi
Ministri i Mbrojtjes dhe Komandanti i FSK-së njoftuan Presidenten e Kosovës për zbatimin e programeve ekzistuese të ngritjes së kapaciteteve të FSK-së dhe mbështetjes së ofruar nga shtetet mike.
Ndërsa, Vjosa Osmani Osmani, theksoi rëndësinë e realizimit të planit të tranzicionit sipas standardeve të NATO-s, si dhe realizimin e synimit strategjik të Kosovës që të bëhet anëtare e kësaj aleance.
Sipas kompetencave të presidentes, ajo është komandante supreme e FSK-së. /Insajderi.com
