Shërbimi informativ i Komisionit Evropian, ka ndryshuar postimin e djeshëm në Twitter, lidhur me takimin e Komisionerit për Zgjerim dhe Fqinjësi, Oliver Varhelyi, me ushtruesen e detyrës së Presidentes së Kosovës, Vjosa Osmani, ku kësaj të fundit iu referuan si presidentja në detyrë e Republikës së Kosovës, njofton Insajderi.
Në postimin e parë, faqja e Komisionit Evropian ka shkruar “Presidentja në detyrë e Republikës së Kosovës”, të cilin pastaj e ka ndryshuar me “Presidentja në detyrë e Kosovës”, postim që edhe tani gjendet në këtë faqe.
Commissioner @OliverVarhelyi receives the Acting President of #Kosovo @VjosaOsmaniMP 🇽🇰🇪🇺
📸 Pictures here: https://t.co/PV41QoPtuL pic.twitter.com/bZa1vULioa
— EC AV Service (@EC_AVService) January 12, 2021
Referimi si Republikë për Kosovën e pa u vendosur fusnota nga Komisioni Evropian, ka bërë që drejtori i së ashtuquajturës “Zyre për Kosovën”, Petar Petkovic, të pyes nëse dialogu ndërmjet dy vendeve të Ballkanit Perëndimor “është i tepërt”.
Kjo për autoritet në Beograd ka qenë “e papranueshme”.
“Sipas cilës marrëveshje dhe kur BE e njohu të ashtuquajturën Kosovë?! A do të thotë kjo se dialogu është i tepërt? Ishte e papranueshme që çdo organ i BE, veçanërisht Komisioni Evropian, të vendosë për statusin e Krahinës sonë të Jugut,” ka shkruar Petkovic në Twitter.
Ndryshe nga Komisioni Evropian, institucioni tjetër i BE-së, Parlamenti Evropian, në takimet zyrtare i referohet Kosovës si Republika e Kosovës. /Insajderi.com
