Kryetari i komunës së Prishtinës, Shpend Ahmeti, ka njoftuar se Komuna që e drejton ka ndarë 100 mijë euro për t’i ndihmuar mediet, njofton Insajderi.
Ahmeti tha se ndihma do të bëhet bazuar në kategorizimin në tre pjesë:
Ato media që i kanë tetë punëtorë, tetë deri në 50 punëtorë dhe mbi 50 punëtorë.
“Bazuar në numrin e mediave në Komunën tonë kjo nuk është ndihmë e madhe por mund ti shpëtojë disa mediume që ashtu kështu mezi mbijetojnë”, thuhet tutje në këtë kumtesë.
Njoftimi i plotë:
Shumë media kanë rrezikuar mbylljen për shkak të pandemisë. Mediat që mbahen nga reklamat e bizneseve me humbjen e bizneseve do të mbyllen. Ato të pavarurat më së shumti.
Ne si Komunë mendojmë që mediat janë ndër elementet me të rëndësishme të demokracisë. Kërkesat e tyre kanë hasur në vesh të shurdhër posaqërisht ato që kritikojnë.
Ne kemi vendosur që mediat me bazë/zyre/lokacion në Prishtinë të ndihmohen me një fond prej 100,000 euro. Nesër bëhet thirrje ku mediat ndahen në tri kategori bazuar në numrin e punëtorëve që kanë nën 8 (tetë) punëtorë, nga 8-50 punëtorë dhe mbi 50 punëtorë.
Bazuar në numrin e mediave në Komunën tonë kjo nuk është ndihmë e madhe por mund ti shpëtojë disa mediume që ashtu kështu mezi mbijetojnë.
Mediat duhet të plotësojnë këto kushte:
- Të jenë të regjistruar ne Komunën e Prishtinës,
• Të funksionojnë si media profesionale dhe të jenë të regjistruara në institucionet përkatëse (Komisioni i Pavarur për Media ose anetare te Keshillit te Mediave te Shkruara te Kosoves)
• Pasqyrat financiare,
• Vërtetimi i pagesës së kontributeve pensionale të punëtorëve
Komisioni do të ketë shumicën përfaqësues të mediave e jo të Komunës.
Ndoshta nuk ka nevojë ta themi, por ndihmën mund ta marrin edhe kritikuesit më të mëdhenj të Komunës. Sic ka thënë Michael Moore kur kishte ndihmuar financiarisht ëebfaqen më kritikuese ndaj tij që të mos mbyllet – pa juve nuk do të kishte interesim për punën tonë. /Insajderi.com
