Komuna e Prizrenit afër fundit të stinës së dimrit, ka nënshkruar një kontratë prej 9 mijë e 675 euro me kompaninë Pagarusha –N, për furnizim me kripë industriale e cila shërben për shkrirjen e borës.
Sipas njoftimit të bërë për dhënie të kontratës PZ622-17-190-5-2-1, nënshkrimi i saj pritet të bëhet me datën 20 të këtij muaji.
Komuna e Prizrenit blerjen e kripës e ka bërë një muaj pas reshjeve të mëdha të borës të cilat shkaktuan vështirësi qarkullimi në terë Kosovë.
Ngjashëm ka vepruar edhe Komuna e Ferizajt e cila rreth dy javë më parë ka blerë krip dhe rërë në vlerë prej 8 mijë e 880 euro. /Insajderi.com
