Kryetari i Kuvendit të Kosovës, Glauk Konjufca, ka udhëtuar për vizitë zyrtare në Bruksel, njofton Insajderi.
Ai pritet të marrë pjesë në Samitin e Dytë të Parlamentit Evropian me kryetarët e parlamenteve të shteteve të Ballkanit Perëndimor.
Zyra për media e Kuvendit të Kosovës njofton se në Samit do të diskutohet për rolin themelor të parlamenteve në procesin e zgjerimit të Bashkimit Evropian në epokën pas COVID dhe forcimin e mëtejshëm të bashkëpunimit parlamentar.
Tutje, bëhet e ditur se Konjufca do të takohet edhe me Kimisionin për Punë të Jashtme (AFET) dhe delegacionet e përhershme të PE-së për Ballkanin Perëndimor. Takimi është paraparë nga ora 12:30.
Ndërsa, nga ora 17:30 pritet të takohet me zv.presidentin e Parlamentit Evropian, Fabio Massimo Castaldo./Insajderi.com
