Bota po përballet me urinë që po përhapet “në përmasa biblike” për shkak të pandemisë koronavirus, paralajmëroi shefi i agjencisë së ndihmës ushqimore të Kombeve të Bashkuara.
Më shumë se 30 vende në zhvillim mund ta përjetojnë urinë, dhe në 10 prej këtyre vendeve tashmë ka më shumë se 1 milion njerëz në prag të urisë, tha David Beasley, drejtori ekzekutiv i Programit Botëror të Ushqimit.
“Ne nuk po flasim për njerëz që shkojnë në shtrat të uritur,” tha ai për The Guardian në një intervistë.” “Ne po flasim për kushte ekstreme. Nëse nuk u sigurojmë ushqim njerëzve, njerëzit do të vdesin.”
Ajo që duket të jetë e sigurt është se sistemet e brishta të kujdesit shëndetësor të një numri të vendeve në zhvillim nuk do të jenë në gjendje ta përballojnë, dhe katastrofa ekonomike që pason nga pandemia do të çojë në një tendosje të madhe të burimeve.
“Kjo është me të vërtetë më shumë sesa një pandemi” – po krijon një pandemi të urisë, “tha Beasley. “Kjo është një katastrofë humanitare dhe ushqimore.”
Beasley e dha mesazhin e tij të martën në këshillin e sigurisë të Kombeve të Bashkuara, duke paralajmëruar udhëheqësit botërorë se ata duhet të veprojnë shpejt në një situatë tashmë të përkeqësuar. Ai u bëri thirrje atyre ti sjellin 2 miliardë dollarë ndihma që janë premtuar, në mënyrë që të mund të arrijnë në vijën e frontit sa më shpejt që të jetë e mundur.
“Po thoja që viti 2020 do të ishte viti më i keq që nga lufta e dytë botërore, në bazë të asaj që ne parashikonim në fund të vitit të kaluar,” tha ai. Shtuar kësaj, në fillim të këtij viti Afrika Lindore u godit nga grumbujt të mëdhenj karkalecash, duke rrezikuar deri në 70 milion njerëz.
Por pandemia e Covid-19, të cilën askush nuk mund ta parashikonte, “na çoi në një territor të paeksploruar”, tha ai. ” Ne po shohim se si po përhapet zija e bukës. ”
Sipas një raporti të prodhuar nga Kombet e Bashkuara dhe organizata të tjera, të paktën 265 milion njerëz janë duke u shtyrë në prag të urisë nga kriza Covid-19, dyfishi i numrit që ishte para pandemisë.
Asnjë vdekje nga uria nuk është e pashmangshme, tha Beasley. “Nëse marrim para dhe i mbajmë zinxhirët e furnizimit të hapur, ne mund të shmangim urinë,” tha ai. “Ne mund ta ndalojmë këtë nëse veprojmë tani.”
“Shqetësimi ynë i madh është se ne mund të fillojmë ta vendosim Covid-19 pas nesh [në vendet e zhvilluara] në tre ose katër muaj, dhe më pas paratë mbarojnë,” tha ai. “Dhe nëse paratë mbarojnë njerëzit do të vdesin.”
Vitin e kaluar, Programi Botëror i Ushqimit ndihmoi rreth 100 milion njerëz në dëshpërim, me një buxhet prej rreth 7.5bn $.
Gjithashtu thelbësore është sigurimi që zinxhirët e furnizimit të qëndrojnë të hapur. “Nëse zinxhiri i furnizimit prishet, njerëzit nuk mund të marrin ushqim – dhe nëse nuk mund të marrin ushqim për një kohë të gjatë, ata do të vdesin,” tha Beasley.
“Ne jemi në këtë së bashku. Ne mund ta ndalojmë këtë uri që po përhapet masivisht. Por ne duhet të veprojmë shpejt dhe me zgjuarsi. “
