Kosova dhe Izraeli pritet që sot të nënshkruajnë marrëveshjen për marrëdhënie diplomatike midis tyre, njofton Insajderi.
Kjo do të bëhet përmes një ceremonie solemne virtuale.
Dy ditë më parë, këtë e ka bërë të ditur edhe ministrja e Punëve të Jashtme të Kosovës, Meliza Haradinaj-Stublla.
“Ditën e hënë me datë 1 Shkurt, me një ceremoni solemne virtuale, do të firmoset formalizimi i marrëdhënieve diplomatike mes Republikës së Kosovës dhe Shtetit të Izraelit. Mirënjohës përjetë Shteteve të Bashkuara të Amerikës”, ka shkruar ministrja në një postim në “Facebook.
Ndërsa dje, për të u deklarua edhe kryeministri në detyrë, Avdullah Hoti.
Më 4 shator në takimin e Kosovës në Shtëpinë e Bardhë, veç marrëveshjeve tjera, u bë dakordimi edhe për vendosjen e marrëdhënieve diplomatike mes Kosovës dhe Izrealit. /Insajderi.com
