Komisioni Qendror i Zgjedhjeve në mbledhjen e mbajtur të mërkurën ka emëruar rreth 250 anëtarët e Komisioneve Komunale të Zgjedhjeve në të 38 komunat e Kosovës.
Para emërimit të tyre, Komisioni Qendror i Zgjedhjeve i ka dërguar emrat e propozuar në Këshillin Gjyqësor të Kosovës.
Fillimisht, Arianit Elshani, përfaqësues i Partisë Demokratike të Kosovës, tha se ka një kërkesë para se të nisë mbledhja, ku sipas tij ka tash e një kohë që po mungojnë dy anëtarët e komisionit nga kjo parti, e që ndikon në kuadër të “mbështetjes dhe punës më të mirë të KQZ-së”, duke thënë që kjo është edhe mungesë e gjithëpërfshirjes brenda KQZ-së.
Yll Buleshkaj, nga Zyra e Certifikimit të partive politike në KQZ, tha se kanë marrë kërkesë për koalicion të dy subjekteve politike, Partia Boshnjake me VAKAT dhe përbërjen e KKZ-së.
Florian Dushi nga LDK-ja, ka pyetur Yll Buleshkaj lidhur me verifikimin e kandidatëve ku sipas tij është skandaloze mënyra e qasjes dhe verifikimit, madje situata ka eskaluar kur Dushi është nxehur nga përgjigja e Buleshkaj.
“Nuk mund të më mësosh se si të flas unë, kërkoj nga kryetari t’i tërheq vërejtjen sepse është Skandaloze kjo çështje, andaj kërkoj që ta tërhiqni fjalën”, tha Dushi në këtë diskutim.
“Janë 22 persona apo vende të lira që janë hequr nga lista, dhe nuk jam i bindur që të gjithë kanë një bazë ligjore, dhe këto vende duhet të mbushen tani”, tha Kurteshi sa i përket përbërjes së anëtarëve të KKZ-së.
Është miratuar me 6 vota pro dhe 3 abstenime për stafin jo-permanentë dhe është miratuar Shqyrtimi dhe miratimi i kërkesës për ndryshimin e kategorisë së pagës shtesë për zyrtarët e IT-së./Insajderi.com
