fbpx

Krasniqi akuzon opoziten: S’kanë kurajo t’i ndihmojnë sportistët e artistët

Krasniqi akuzon opoziten: S’kanë kurajo t’i ndihmojnë sportistët e artistët

Shefi i Grupit Parlamentar të PDK-së, Memli Krasniqi, ka deklaruar sot se tema e amendamentimit të Ligjit për Sponsorizime, me të cilin ndihmohen sportistët dhe artistët kosovarë, është urgjente.

Këto komente, Krasniqi i ka bërë para deputetëve të Kuvendit të Kosovës, në seancën për gylenistët.

Memli Krasniqi ka akuzuar LDK-në dhe VV-në, të cilët nuk kanë pranuar ta votojnë këtë amendament, duke thënë se opozita mendon se është keq të mbështeten sportistët dhe artistët.

“Kjo është temë 100 herë më urgjente, sepse lidhet me dhjetëra mijëra sportistë e artistë të Kosovës, që i kanë sytë kah ky Kuvend. Ju që e keni thirrur këtë seancë, nuk keni kurajon t’u dilni në ndihmë atyre, ashtu siç po ju dalim ne si koalicion qeverisës, dhe ta jepni votën në favor të tyre”, ka thënë Krasniqi.