Gati dy javë pas takimit dhe marrëveshjes së Uashingtonit, në të cilën u përfshi edhe njohja mes Kosovës e Izraelit dhe vendosja e ambasadës së shtetit kosovar në Jerusalem, kryeministri Benjamin Netanyahu, do t’i drejtohet popullit të Kosovës me anë të një video-mesazhi.
Ky organizim do të mbahet sot me rastin e “Rosh Hashanah”, festë e njohur si “Viti i ri hebraik”.
Video-mesazhi i kryeministrit izraelit, për popullin e Kosovës dhe komunitetin hebraik në Kosovë, do të shfaqet në një ceremoni festive të Vitit të Ri Hebraik organizuar nga Kryerabinati i Shqipërisë.
Njohja nga Izraeli ishte arritur në marrëveshjen e Uashingtonit më 4 shtator ndërmjet Kosovës dhe Serbisë.