Kryeministri Ramush Haradinaj ka vendosur këtë të diele ta kalojë larg punës së tij të përditshme, njofton Klan Kosova.
Meqë sot temperatura janë më të larta duket se Haradinaj ka vendosur t’i sfidojë ato duke u larë në pishinë.
Në fotografinë e publikuar ai shihet së bashku me vëllaun e tij, deputeti Daut Haradinaj dhe me Fatos Dilin, anëtarin e Klubit të Prishtinës në Futsall.
Siç tashmë dihet kryeministri është edhe adhurues i madh i natyrës – fundjavat ai shpesh me familjen e tij i kalon në bjeshkët e Kosovës.
