Kryeministrja serbe Ana Bërnabiq ka deklaruar se do të donte që Serbia të mos mendonte për ndonjë masë reciproke për vendimin e Qeverisë së Kosovës që taksën për produktet serbe ta ngris nga 10 në 100 përqind
“Një gjë që nuk do të më pëlqente tani është se Serbia po shqyrton çdo masë reciproke, sepse duam të inkurajojmë bashkëpunimin rajonal, ne duam të vazhdojmë dialogun me Prishtinën për normalizimin afatgjatë të marrëdhënieve”, tha ajo për N1.
Sipas saj para çdo vendimi, Serbia do të bisedojë me partnerët e saj.
“Ne do të bisedojmë kryesisht me partnerët tanë ndërkombëtarë, para së gjithash me Bashkimin Evropian, për të parë nëse mund të llogarisim në mbështetjen e tyre serioze”, deklaroi shefja e ekzekutivit serb.
