![Kryetarët e Komunave takohen me kryeministrin – bisedohet për fillimin e vitit të ri shkollor](https://insajderi.com/wp-content/uploads/2020/08/qeveria-hoti-730x440.jpg)
Kryetarët e komunave të Kosovës do të zhvillojnë sot një takim me kryeministrin, Avdullah Hoti, dhe tre ministra, për të diskutuar lidhure me shpërndarjen e 10 milionë eurove në komuna, fillimin e procesit mësimor dhe situatën epidemiologjike me Coronavirus.
Drejtori i Asociacionit të Komunave të Kosovës, Sazan Ibrahimi, ka konfirmuar për KosovaPress se në këtë takim do të diskutohen disa tema kryesore, si fillimi i procesit mësimor, kriteret dhe shpërndarja e 10 milionë eurove në komunat e Kosovës si përkrahje në luftën ndaj parandalimit të përhapjes së COVID-19.
Ai ka thënë se komunat janë të gatshme sa i përket fillimit të procesit mësimor të këtij viti, ndarjen në grupe të caktuara apo në çfarë skenari do të përdorën, do të jetë vendim individual i secilës komunë në bazë të rrethanave në terren./Insajderi.com