Albin Kurti dhe Isa Mustafa do të duhej t’i vazhdonin sot bisedimet për formimin e qeverive. Por duket se negociatat kanë ngecur diku. Mbrëmë është raportuar se kreu i LDK-së e ka anuluar takimin me kreun e Vetëvendosjes. Akoma nuk dihet nëse sot do të ndodh përputhja përfundimtare ndërmjet tyre?
Lëvizja Vetëvendosje dhe Lidhja Demokratike e Kosovës kanë arritur në një pikë kritike të negociatave për qeverinë e re.
Ndarja e pozitave po i vë në rrezik ato.
Një burim brenda takimit i ka thënë Insajderit se LDK ka vënë kushte që nuk po i pranon Lëvizja Vetëvendosje.
Por situata është rënduar akoma më shumë pas një paraqitjes së mbrëmshme të Glauk Konjufcës në Pressing.
AI ka deklaruar sot se VV-ja nuk e jep postin e presidentit dhe ka kritikuar LDK-në se po sillet si parti e barabartë.
Deklaratat e tij janë konsideruar si problematike dhe ofendues nga zyrtarët e LDK-së.
Si rezultat i kësaj është raportuar mbrëmë se kreu i LDK-së, Isa Mustafa, ka anuluar takimin e planifikuar për ditën e mërkurë me Albin Kurtin, shkruan Insajderi.
Akoma nuk dihet nëse sot do të vazhdojnë bisedimet Kurti-Mustafa për arritjen e marrëveshjes ndërmjet tyre./Insajderi.com
