Fituesi i zgjedhjeve të 14 shkurtit, Albin Kurti, gjatë një vizite në Prizren deklaroi se Komisoni Qendror i Zgjedhjeve “po tenton që ta zvogëlojë fitoren e Vetëvendosjes”.
Kurti ka përmendur “vonesat e numërimit” si dhe disa “padrejtësi të vogla” që sipas tij nuk janë të tilla.
“Nuk mund ta ndalin fitoren e madhe që ka arritur VV në zgjedhjet e fundit’’, tha Kurti për TV BESA, transmeton Insajderi.
Kurti tha se në momentin kur certifikohen rezultatet do ta votojnë kryetarin e ri të Kuvendit.
‘’Në momentin kur të certifikohen rezultatet, ne jemi gati menjëherë që ta votojmë kryetarin e ri të Kuvendin, kryeministrin e ri dhe presidenten e re’’, tha Kurti. /Insajderi.com
