Kryeministri i Kosovës, Albin Kurti, ka thënë të enjten se vendimi i Gjykatës Ndërkombëtare të Drejtësisë vulosi ligjshmërinë e Pavarësisë së Kosovës.
Kjo deklaratë e Kurtit erdhi në 11 vjetorin e vendimit të GJND-së.
Kurti tregoi se më pas Kombet e Bashkuara miratuan një rezolutë për dialogun Kosovë-Serbi. Për këtë kreu i ekzekutivit, deklaroi se bisedimet janë ndërmjet dy vendeve.
“Sot mbushen 11 vjet që kur GJND-ja vulosi ligjshmërinë e Pavarësisë së Kosovës. Më pak se 2 muaj më vonë, Kombet e Bashkuara miratuan një rezolutë që bën thirrje për një dialog për paqe dhe progres në mes Kosovës dhe Serbisë. Dialogu në Bruksel ka të bëjë me statusin e marrëdhënieve midis dy vendeve”, ka shkruar Kurti në Twitter.
Gjykata Ndërkombëtare e Drejtësisë më 22 korrik 2010 kishte shpallur të ligjshme pavarësinë e Kosovës.
Serbia me ndihmën e Rusisë kishte arritur që çështjen e Kosovës ta çonte në GJND-së, duke e cilësuar pavarësinë e Kosovës si “të njëanshme”.
Por, ashtu s’kishte menduar drejtësia ndërkombëtare, për ta mbështetur aktin e 17 shkurtit 2008. /Insajderi.com
Today marks 11 yrs since @CIJ_ICJ sealed the legality of Kosova’s independence. Less than 2 months later, the #UN adopted a resolution calling for a dialogue for peace & progress btw Kosova & Serbia.
Dialogue in Brussels is about the status of relations between two countries.
— Albin Kurti (@albinkurti) July 22, 2021
