Kryetari i Lëvizjes Vetëvendosje, Albin Kurti ka ngushëlluar familjen e policit që ka humbur mbrëmë jetën në detyrë.
![Kurti: Që të luftohet me sukses krimi, duhet trimëria e policëve dhe një qeveri ndryshe](https://insajderi.com/wp-content/uploads/2020/01/unnamed-2-61-730x440.jpg)
“Që të luftohet me sukses krimi në vend duhet trimëria e sakrifica e policëve, por duhet edhe një qeveri ndryshe, që mbështet policinë e ligjin, dhe lufton pa kompromis krimin”, ka shkruar Kurti në Facebook.
Postimi i Kurtit në Facebook:
Në orët e vona të mbrëmjes na erdh një lajm i keq. Polici Sami Thaçi paska vdekur në krye të detyrës, gjatë një operacioni kundër narkotikëve në Zhur të Prizrenit. Ngushëlloj familjen e tij dhe Policinë e Kosovës. Shpresoj që të plagosurit të jenë jashtë rrezikut dhe të bëhen mirë sa më shpejt.
Që të luftohet me sukses krimi në vend duhet trimëria e sakrifica e policëve, por duhet edhe një qeveri ndryshe, që mbështet policinë e ligjin, dhe lufton pa kompromis krimin.