![Kurti: Shumë i mirëseardhur vendimi i SHBA-së për sanksionimin e grupeve kriminale në veri](https://insajderi.com/wp-content/uploads/2021/12/kurti-konferenc-1-2-730x440.jpg)
Kryeministri, Albin Kurti, u shpreh se është shumë i mirëseardhur vendimi i Shteteve të Bashkuara të Amerikës për vendosjen e sanksioneve ndaj Zvonko Veselinoviq dhe Milan Radoiçiq dhe grupit të tyre kriminal, përcjell Insajderi.com.
Përmes një postimi në Facebook, Kurti theksoi se ky grup është dëshmia më e mirë se krimi në Veriun e Kosovës është realitet i përditshëm që cenon ligjshmërinë e të drejtat, lirinë dhe të mirat e qytetarëve.
Sipas tij, ky vendim i SHBA-së, vërteton legjitimitetin e veprimeve të Policisë së Kosovës para disa javësh në Mitrovicën Veriore, kundër kontrabanduesve të mallrave ilegale.
Lidhjet e bashkëpunimit ndëretnik të grupeve kriminale dhe fushëveprimit të tyre transnacional do t’i luftojmë nëpërmjet bashkëpunimit të zyrtarëve të institucioneve tona pa dallim etnie dhe bashkëpunimit ndërkombëtar me aleatët e partnerët tanë”, shkroi tutje Kurti.
Shtetet e Bashkuara të Amerikës kanë ndërmarrë sanksione ndaj grupit të Zvonko Veselinoviq – njërit nga bosët e krimit të organizuar në veri të Kosovës.
Këto sanksione u ndërmorën pasi Departamenti Amerikan i Thesarit për Kontrollin e Pasurive të Huaja ka targetuar 16 individë dhe 24 subjekte në disa shtete të Evropës, ndër të cilët bëri pjesë edhe Veselinoviq.
Lista e grupit të organizuar kriminal të Zvonko Veselinoviqit përfshinë edhe Rosiq, Andrija Zhelko Bojiq, Srgjan Milivoje Vuloviq, Milan Mihajloviq, Milan Radisavljeviq, Radovan Radiq, Sinisa Nedeljkoviq, Radule Steviq./Insajderi.com