Kryeministri i Kosovës, Albin Kurti, ka njoftuar për ushtrimet e Forcës së Sigurisë së Kosovës, të udhëhequra nga Ushtria Amerikane.
Ai ka thënë se FSK-ja për herë të parë po kryen stërvitjet e përbashkëta me Ushtrinë Amerikane në territorin e saj, njofton Insajderi.
Në një postim në Twitter, shefi i ekzekutivit është shprehur se trupat e Ushtrisë së Kosovës po tregojnë përkushtim dhe profesionalizëm.
“Për herë të parë Kosova po kryen një stërvitje të udhëhequr nga Ushtria Amerikane në territorin e saj. Trupat tanë po tregojnë përkushtim dhe profesionalizëm në ushtrime të ndryshme si pjesë e Defender 21 në Kosovë, Kroaci dhe Shqipëri”, ka shkruar Kurti.
For the first time ever, Kosova is hosting a US Army led exercise in its territory. Our troops are showing dedication and professionalism in various exercises as part of Defender 21 in Kosova, Croatia and Albania. pic.twitter.com/NC7PimHVza
— Albin Kurti (@albinkurti) May 25, 2021
Ndryshe, edhe ministri i Mbrojtjes, Armend Mehaj ka deklaruar të martën se po vazhdojnë me sukses operacionet trajnuese krah për krah me forcat amerikane, në kuadër të stërvitjes ‘’DEFENDER-Europe 21’’.
“Po vazhdojnë me sukses operacionet trajnuese krah për krah me forcat Amerikane, në kuadër të stërvitjes ‘’DEFENDER-Europe 21’’. Kosova dhe forcat e saj dëshmojnë fuqishëm partneritetin e ngushtë dhe të përhershëm me SHBA-në dhe forcat e saj si dhe gatishmërinë e plotë për të kontribuar për paqen, sigurinë dhe stabilitetin rajonal dhe më gjerë. Rruga jonë është drejt NATO-s”, ka shkruar Mehaj në Facebook./Insajderi.com
