Kryeministri i Kosovës, Albin Kurti, ka reaguar pas vendimit të Gjykatës së Kombeve të Bashkuara për burgim të përjetshëm ndaj Ratko Mladiqit, i njohur si “Kasapi i Bosnjës” gjatë luftës në Bosnjë e Hercegovinë, njofton Insajderi.
Me anë të një postimi në Twitter, Kurti tha se vendimi është një kujtesë se mohimi serb i krimeve të kaluara në Kosovë duhet të marrë fund.
Ai madje përmendi edhe faktin se Serbia e fshehu dhe e portretizoi atë si një hero.
“Krimineli famëkeq i luftës, Ratko Mlladiq, i njohur si ‘kasapi i Bosnjës dhe Hercegovinës’, dënohet me burgim të përjetshëm për gjenocid. Serbia e fshehu dhe e portretizoi atë si një hero. Por ky vendim është një kujtesë se mohimi serb i krimeve të së kaluarës në Bosnje dhe Hercegovinë dhe Kosovë duhet të marrë fund”, ka shkruar Kurti.
The notorious war criminal, Ratko Mladic, known as the ‘butcher of Bosnia & Herzegovina’, is sentenced with life imprisonment for genocide.
Serbia hid him and portrayed him as a hero. But this verdict is a reminder that Serbian denial of past crimes in🇧🇦 & Kosova must end.
— Albin Kurti (@albinkurti) June 8, 2021
Gjatë ditës së sotme, Tribunali i Hagës ka rikonfirmuar burgimin e përjetshëm ndaj kriminelit serb, Ratko Mladiq, për krimet e kryera mbi popullsinë civile në Srebrenicë ku u vranë mbi tetë mijë civilë gjatë luftës në Bosnjë. /Insajderi.com
