Në seancën plenare të kuvendit të Kosovës, kanë vazhduar përplasjet mes qeverisë dhe opozitës, në këtë rast më të zëshëm përsëri kanë qenë deputetet e Lëvizjes Vetëvendosje, njofton Insajderi.
Këtë radhë, deputetja nga radhët e LVV, Mimoza Kusari-Lila, ka kritikuar Qeverinë Hoti dhe ministrin Armend Zemaj, për keqmenaxhim me pandeminë Covid-19, njofton Insajderi.
Ajo ka thënë se derisa gjatë kohës së Qeverisë Kurti, Kosova radhitej në listën e vendeve që po menaxhonin mirë me pandeminë, ajo tani është në listën e zezë.
“Janë deputetët e këtij koalicioni që me 25 mars rrëzuan një qeveri me një arsyetim. Arsyeja ishte rrezikimi i raporteve me SHBA-në. Gjashtë muaj e gjysmë pas, ne jemi me numra alarmant të vdekjeve dhe infeksioneve”, ka thënë ajo.
Kusari-Lila, po ashtu ka kritikuar ministrin Armen Zemaj, i cili u larguar më herët nga seanca e sotme e Kuvendit të Kosovës, duke thënë se ai nuk është i kualifikuar për shëndetësinë.
“Arsyeja që zoti Zemaj është larguar, është se ka dal me policinë, sepse po ofrohet ora 19:00, e ju ka bë praktikë me e bo kryepolicin e nganjëherë ministrin e Drejtësisë, përveç ministrin e Shëndetësi edhe nuk e dinë edhe nuk e ka kualifikim ta bëjë”./Insajderi.com
