Deputetët e Kuvendit të Kosovës do të mblidhen sërish sot për dy seanca plenare, njofton Insajderi.
Nga ora 10:00 do të vazhdojë seanca e javës së kaluar, ku pritet të shqyrtohen disa pika të mbetura për votimin e të cilave nuk ka pasur kuorum.
Njëra nga këto pika është edhe Projektligji për Mbrojtjen e Vlerave të Luftës së Ushtrisë Çlirimtare të Kosovës.
Ndërsa prej orës 11:00 pritet të mbahet seanca e re plenare në të cilën do të shqyrtohen disa projektligje dhe marrëveshje ndërkombëtare. /Insajderi.com
