Bazuar në masat e fundit të Qeverisë për parandalim të përhapjes së pandemisë me Coronavirus, Komuna e Prishtinës ka reduktuar orarin e autobusëve të Trafikut Urban, njofton Insajderi.
Në një njoftim në Facebook, Komuna e Prishtinës ka bërë të ditur se autobusët do të qarkullojnë deri në orën 20:30.
“Njoftojmë qytetarët se autobusët e “Trafikut Urban” Prishtinë do të qarkullojnë deri në ora 20:30. Pra, nisja e fundit në linjat urbane është në ora 20:30. Kërkohet respektimi i masave në fuqi që përfshijnë bartjen e maskës mbrojtëse, kufizimi i numrit të udhëtarëve maksimalë 20 dhe respektim të distancës edhe brenda autobusit”, thuhet në njoftim./Insajderi.com
