Emisari i Posaçëm i Bashkimit Evropian për dialogun Kosovë-Serbi, Miroslav Lajçak, ka thënë se sot janë bërë 10 vjet që kur palët nga Prishtina dhe Beogradi janë ulur në tavolinën e dialogut, njofton Insajderi.
Këtë përkujtim Lajçak e bëri me anë të një postimi në llogarinë e tij në Twitter.
“10 vjet pasi palët u ulën për herë të parë në Bruksel, dialogu solli marrëveshje të rëndësishme”, ka shkruar ai.
“Ata bënë një ndryshim real për njerëzit në Kosovë dhe Serbi, për stabilitetin e Ballkanit Perëndimor dhe për aspiratat evropiane të një rajoni të tërë”, ka shkruar tutje Lajçak.
10 years after the Parties sat down in Brussels for the first time, the Dialogue brought about important agreements. They made a real difference for people in both Kosovo and Serbia, for the stability of the Western Balkans, and for the European aspirations of an entire region. pic.twitter.com/eVMvTgdolg
— Miroslav Lajčák (@MiroslavLajcak) March 8, 2021
Ndryshe, siç deklaroi ditë më parë presidenti i Serbisë, Aleksandër Vuçiq, rikthimi në tavolinën e dialogut pritet të ndodhë në fillim të majit për çka janë shprehur të gatshme të dy palët. /Insajderi.com