I dërguari special i Bashkimit Evropian për dialogun ndërmjet Kosovës e Serbisë, Miroslav Lajçak, ka thënë se “harta pas tij” e shumë përfolur është keqinterpretuar.
Gjatë një interviste, mbrapa shpinës së Lajçak ishte parë një hartë – më pastaj mediat në gjuhën shqipe dhe serbe kishin raportuar se në atë hartë “Kosova paraqitet si pjesë integrale e Serbisë”.
Lajçak, tha në Twitter se ajo hartë është zyrtare e Bashkimit Evropian dhe aty gjendet edhe linja që e ndan Kosovën nga Serbia.
“Ndërsa harta në zyrën time në ekranin e paqartë të intervistës sime ka shkaktuar disa keqkuptime sot, unë po ndaj një foto të afërt të saj. Ishte një hartë zyrtare e BE e Ballkanit Perëndimor. Kosova është atje dhe po ashtu është linja që ndan Kosovën nga Serbia”, ka thënë Lajçak.
Emisari evropian ka deklaruar se do ta vizitojë Prishtinën e Beogradin për fillimin e dialogut në mes dy shteteve të Ballkanit Perëndimor. /Insajderi.com
As the map in my office in the blurred screenshot of my interview has caused some misperceptions today, I am sharing an actual close-up photo of it. It is an official EU map of the Western Balkans. Kosovo is there and so is the line separating Kosovo from Serbia. pic.twitter.com/VXFggOLmug
— Miroslav Lajčák (@MiroslavLajcak) February 25, 2021