Përfaqësuesi Special i BE-së për dialogun Kosovë-Serbi, Miroslav Lajçak, tha se përfundimi i vizitës së tij në Prishtinë dhe Beograd tregon se ekziston një vullnet për dialog nga të dy palët dhe se ekziston “një kuptim absolut që dialogu nuk ka alternativë”, raporton Insajderi.
Ai u shpreh se një nga qëllimet e vizitës ishte të informonte udhëheqësin e Lëvizjes Vetëvendosjes, Albin Kurti, i cili pritet të jetë negociator i ardhshëm mbi procesin e deritanishëm dhe përfundimi ishte që Kurti e kuptonte që duhej dialog, se ai ishte i gatshëm të vazhdonte me të dhe se ai ishte ai që do të drejtonte delegacionin e Prishtinës.
“Unë mendoj se kemi hapësirë të mjaftueshme dhe pres që takimi i parë do të zhvillohet në një kohë të arsyeshme – pas formimit të të gjitha institucioneve të nevojshme në Prishtinë, dhe kjo mund të jetë e sigurt para verës,” thotë ai në intervist në ‘N1’.
I pyetur nëse i referohet më shumë dialogut teknik apo politik, Lajçak tha se nuk e sheh që ekzistojnë dy dialogë dhe se ai që nga përkufizimi, është politik.
Përfaqësuesi i BE-së deklaron se Kurti nuk ishte i informuar për dialogun, kështu që, siç thotë ai, ishte e rëndësishme për të që t’i jepte zyrtarit të Kosovës informacion të plotë për dialogun.
I pyetur se sa është e sigurt që ata do të takohen në një të ardhme të parashikueshme, duke pasur parasysh që Kosova zgjedh një president dhe ndjek procesin e formimit të një qeverie, dhe në anën tjetër zgjedhjet në Serbi, Lajçak tha se Kurti është i bindur se të gjitha këto çështje mund të zgjidhen relativisht shpejt. /Insajderi.com
