“Ne ramë dakord që Kosova ka nevojë për dialog dhe ka nevojë për një marrëveshje gjithëpërfshirëse”.
Kanë qenë fjalët e të dërguarit të Bashkimit Evropian për Dialogun, Miroslav Lajçak, pas takimit me presidentin e Kosovës, Hashim Thaçi në Prishtinë.
Lajçak në Twitter, shkroi se “ka pasur një bisedë shumë të mirë dhe jashtëzakonisht të zgjuar me Presidentin”.
Diplomati evropian u takua me kreun e vendit gjatë ditës së dytë të vizitës së tij në Kosovë, njofton Insajderi.
Vizita e të deleguarit evropian për bisedimet Kosovë-Serbi, erdhi pas raportimit që kishte të hënën para ministrave të jashtëm të Bashkimit Evropian, pikërisht për këtë çështje.
Emisari i BE-së, ka theksuar vazhdimisht se synimi është “marrëveshje gjithëpërfshirëse”, të cilën “mund ta garantojë Bashkimit Evropian”. Për këtë kishte pretendime se “ekzistojnë” divergjencat në orientimin e dialogut në mes partnerëve euro-atlantik; Shteteve të Bashkuara të Amerikës e Bashkimit Evropian. /Insajderi.com
Had a very good and extremely insightful conversation with President @HashimThaciRKS. We agreed that Kosovo needs the Dialogue and needs a comprehensive agreement. pic.twitter.com/KNtTRV53g8
— Miroslav Lajčák (@MiroslavLajcak) October 14, 2020