I Dërguari i Posaçëm i Bashkimit Evropian për dialogun Kosovë-Serbi, Miroslav Lajçak, është deklaruar rreth takimit të djeshëm në Bruksel, të mbajtur mes dy palëve.
Lajçak përmes një shkrimi në Twitter, për këtë takim, ku ishte ndërmjetësues i BE-së për dy vendet e Ballkanit Perëndimor, ka thënë se temë kryesore e takimit ishin personat e zhdukur dhe të zhvendosur.
Për këtë takim, Lajçak tutje ka thënë se diskutimet e kësaj jave për këtë temë ishin productive dhe konstruktive.
“Diskutimet politike të kësaj jave në nivel të ekspertëve për personat e zhdukur dhe zhvendosur ishin produktive dhe konstruktive. Mezi presim raundin tjetër të bisedimeve të ekspertëve të dialogut Beograd-Prishtinë së shpejti”, ka shkruar ai.
This week’s political discussions at expert level on missing persons and displaced persons were productive and constructive. Looking forward to the next round of expert talks of the Belgrade-Pristina Dialogue soon.
— Miroslav Lajčák (@MiroslavLajcak) July 24, 2020
Përfaqësues i Kosovës ka qenë koordinatori për dialogun, Skender Hyseni ndërsa i Serbisë drejtori të ashtuquajturës zyrë serbe për Kosovën, Marko Gjuriq. /Insajderi.com/