Emisari i BE-së, Miroslav Lajçak, ka takuar Koordinatorin Shtetëror për Dialogun, Skender Hyseni dhe drejtorin e të ashtuquajturës, “zyre për Kosovën”, Marko Gjuriq.
I dërguari special i Bashkimit Evropian për Dialogun në mes Kosovës dhe Serbisë, Miroslav Lajçak, ka takuar Koordinatorin Shtetëror për Dialogun, Skender Hyseni dhe drejtorin e të ashtuquajturës, “zyre për Kosovën”, Marko Gjuriq.
Në Bashkimin Evropian po mbahet dialogu i nivelit teknik pasi ditë më parë është zhvilluar një takim i nivelit të lartë në mes kryeministrit të Kosovës, Avdullah Hoti dhe presidentit të Serbisë, Aleksander Vuçiq.
“Sot, ne po vazhdojmë diskutimet politike në nivel të ekspertëve. I lumtur t’iu uroj mirëseardhje në këtë mëngjes dy negociatorëvë nga dy palët, Skënder Hysenit, dhe Marko Gjuriqit”, ka shkruar Lajçak në Twitter.
Dialogu është bartur në përgjegjësinë e Bashkimit Evropian – një takim në Uashington i planifikuar për 27 qershor ka dështuar kjo pas propozim-aktakuzës befasuese ndaj presidentit të Kosovës, Hashim Thaçit dhe kryetarit të PDK-së, Kadri Veselit, vetëm disa ditë para takimit të iniciuar nga emisari special i Trump-it, Richard Grenell. /Insajderi.com/
Today, we continue our political discussions at expert level. Pleased to welcome the negotiators of both parties, Skender Hyseni and Marko Djuric this morning. pic.twitter.com/ZJr7Mij2sH
— Miroslav Lajčák (@MiroslavLajcak) July 23, 2020
