Ndërmjetësuesi i Bashkimit Evropian për dialogun Kosovë-Serbi, Miroslav Lajçak, është deklaruar rreth diskutimit për hapat e mëtejmë lidhur me procesin e dialogut, në kuadër të takimit joformal me kryeministrin e Kosovës, Albin Kurti, që po mbahet në Bruksel, njofton Insajderi.
Në një postim në llogarinë e tij në Twitter, Lajçak ka thënë se ndihet i lumtur që takoi kryeministrin Kurti në margjinat e takimit joformal të Ballkanit Perëndimor sot.
“Në margjinat e takimit joformal të Ballkanit Perëndimor sot, isha i lumtur që u takova me kryeministrin e Kosovës, Albin Kurtin, për të vazhduar diskutimet tona rreth hapave të mëtejmë në dialog”, ka shkruar ai në Twitter.
In the margins of the informal Western Balkans event today, I was glad to meet with Kosovo’s Prime Minister @albinkurti to continue our discussions about the next steps in the Dialogue. pic.twitter.com/nFguX82se6
— Miroslav Lajčák (@MiroslavLajcak) May 18, 2021
Lajçak ka takuar edhe kryeministren e Serbisë, Ana Brnabiq.
Përveç temës së dialogut Kosovë-Serbi, i Dërguari i BE-së për dialogun ka shkruar se me të kanë biseduar edhe për zhvillimet rajonale dhe promovimin e bashkëpunimit rajonal.
Good to meet with @SerbianPM Ana Brnabic in Brussels today. We spoke about regional developments and how to further promote regional cooperation, as well as next steps in the Dialogue. pic.twitter.com/B68P0oyzRL
— Miroslav Lajčák (@MiroslavLajcak) May 18, 2021
Kryeministri Kurti sot ka qëndruar në Bruksel.
Takimin atje e ka cilësuar si darkë tradicionale të liderëve të Ballkanit Perëndimor dhe jo si takim që lidhet me dialogun. /Insajderi.com