I Dërguari i Posaçëm i Bashkimit Evropian për dialogun Kosovë-Serbi, Miroslav Lajçak, e ka uruar Albin Kurtin për pozitën e re të kryeministrit të Kosovës, njofton Insajderi.
Me anë të një postimi në llogarinë e tij në Twitter, Lajçak tha se BE është e gatshme për lehtësimin e dialogut.
“Urime Albin Kurti në zgjedhjen tënde si kryeministër. Të uroj suksese në përmbushjen e pritjeve të mëdha të qytetarëve të Kosovës. BE-ja është gati të lehtësojë dialogun për normalizimin e marrëdhënieve me Serbinë”, ka shkruar ai.
Congratulations @albinkurti on your election as Prime Minister. I wish you success in meeting the high expectations of the citizens of Kosovo. The EU stands ready to facilitate the Dialogue on normalization of relations with Serbia. https://t.co/SajShe1CHt
— Miroslav Lajčák (@MiroslavLajcak) March 23, 2021
Kurti sot pranoi zyrtarisht detyrën e kreut të Qeverisë së Kosovës nga Avdullah Hoti, një ditë pasi në Kuvendin e Kosovës u votua Qeveria e re me 67 vota për. /Insajderi.com