Anëtari i kryesisë së PDK-së, Betim Gjoshi, i ka reaguar ashpër kryeministrit të shkarkuar Albin Kurti, i cili seancën e sotme e ka quajtur të kotë.
Gjoshi ka thënë se seancat e Kuvendit janë të kota vetëm në regjime totalitare e diktatoriale.
“Kjo mendësi e kryeministrit të shkarkuar po rrëshqet Kosovën në diktaturë ku asnjë institucion tjetër nuk ka rëndësi. Ky moment është i rrezikshëm sepse zhvlerëson organin përfaqësues të popullit, i cili është në kapacitet të plotë kushtetues”, ka thënë Gjoshi.
Shkrimi i plotë i Gjoshit:
LAMTUMIRË DEMOKRACI!
NGA SOT KOSOVA DIKTATURË!
Kryeministri i shkarkuar nga 85 deputetë të Kuvendit të Kosovës po thotë për seancën e sotme ku duhej të votohej Pako Ekonomike për përballimin e pandemisë se “është seancë e kotë”. Ky që na hiqej si i mençur duhet ta dijë se Seancat e Kuvendit janë të kota vetëm në regjime totalitare e diktatoriale. Zhvlerësimi i Kuvendit, çuditërisht u bë edhe me ndihmën e kryetares së këtij institucioni, Vjosa Osmani.
Kjo mendësi e kryeministrit të shkarkuar po rrëshqet Kosovën në diktaturë ku asnjë institucion tjetër nuk ka rëndësi. Ky moment është i rrezikshëm sepse zhvlerëson organin përfaqësues të popullit, i cili është në kapacitet të plotë kushtetues.
Doktrina politike reaksionare e Vetëvendosjes se 29 deputetë kanë vënë pushtet mbi 91 deputetë të tjerë të Kuvendit të Kosovës, duke i detyruar të pajisen me leje nga i emëruari i diktatorit, pra nga Xhelali .
Nga sot ai përmbysi sistemin parlamentar demokratik dhe Kushtetutën e vendit.
Kryeministri i shkarkuar, Albin Kurti e ka cilësuar si të kotë seancën e sotme të jashtëzakonshme që është ftuar nga Partia Demokratike e Kosovës për të diskutuar rreth ndihmesave për të tejkaluar krizën me Covid19. Një gjuhë e tillë si e Kurtit përdoret vetëm në sistemet totalitare, i munguan vetëm duartrokitjet si lider suprem. Paturpësisht ky diktator vlerëson se “seancat e Kuvendit janë të kota”.
Sipas shumë interpretimeve të konstitucionalistëve kjo është ndërhyrje dhe atak në rendin tonë kushtetues. Puna e Kuvendit nuk mund të ndalohet dhe të kufizohet në çfarëdo mënyrë nën asnjë rrethanë e as pas shpalljes së gjendjes së jashtëzakonshme.
Lejet e lëshuara për deputetët nga zëvendësministri i shkarkuar Sveçla janë goditje e rëndë dhe tepër nënçmuese e rendit kushtetues të Republikës së Kosovës.
#Diktator #Amatera #VoVid-19
