Sot në orën 13:00 pritet të nënshkruhet marrëveshje e koalicionit qeverisës LDK – NISMA, shkruan Gazeta Insajderi.
Burime të Gazetës Insajderi, kanë thënë se NISMA merr pozitën e zëvendëskryeministrit që do të jetë Fatmir Limaj, dhe dy ministri.
NISMA-së do t’i takojë Ministria e Punës dhe Mirëqenies Sociale dhe ajo e Tregtisë dhe Zhvillimit, që tash udhëhiqen nga Rozeta Hajdari.
Dje Lidhja Demokratike e Kosovës, nënshkroi marrëveshjen me Aleancën për Ardhmërinë e Kosovës. Partisë së Ramush Haradinajt, i takuan katër ministri dhe një zëvendëskryeministër./ Insajderi.com