Lidhja Demokratike e Kosovës ka reaguar pas takimit që e pati sot me Lëvizjen Vetëvendosje.
LDK ka thënë se qëndrimet e tyre nuk kanë ndryshuar as në këtë takim.
“Në takimin e sotëm kemi shpalosur qëndrimet tona, tashmë të njohura dhe publike për opinionin. Konsiderojmë që këto qëndrime janë të balancuara për të dy palët dhe që i shërbejnë stabilitetit të qeverisjes së vendit”, ka njoftuar LDK.
Edhe në këtë takim dy palët nuk kanë arritur të gjejnë gjuhën e përbashkët për koalicion.
Nesër do të ketë përsëri takim, por kësaj radhe pjesëmarrës me kërkesë të Albin Kurtit janë edhe ambasadorët e shteteve të Kuintit dhe Shefja e Misionit të BE-së. /Insajderi.com
