Zyrtari i Aleancës për Ardhmërinë e Kosovës, Pal Lekaj, ka zbuluar detaje tjera në bisedën telefonike të cilën tha se e pati me ish-presidentin Hashim Thaçi, njofton Insajderi.
Ai thotë për Klankosova, se ishte befasuar nga një telefonatë e tillë nga selia e burgut në Hagë.
“Nuk kam pritë që nga selia e burgut të Hagës, të kem një thirrje të tillë”, shprehet Lekaj.
Lekaj ka thënë tutje se këtë gjë, Hashim Thaçi e bëri me arsye.
“Por, presidenti edhe njëherë dëshmoi se në ditët e veçanta di t’i harrojë brengat e veta dhe t’i nderojë miqtë”.
Tutje Pal Lekaj nga AAK, mohon se telefonata që pranoi nga ish-presidenti Hashim Thaçi kishte të bënte me zhvillimet e fundit politike.
“Arsyeja e vetme e bisedës ishin Krishtlindjet”, pohoi Lekaj./Insajderi.com
