Tre persona janë lënduar në një aksident trafiku që ka ndodhur në rrugën Prishtinë –Ferizaj, respektivisht në fshatin Konjuh.
Rastin e ka bërë të ditur për Gazetën Online Insajderi, zëdhënësi i policisë, Agron Borovci.
Ai ka thënë se aksidenti ka ndodhur rreth orës 16:00, ndërkaq janë përfshirë tri automjete.
Në vendin e ngjarjes kanë dalë njësitet e policisë së trafikut dhe po merren me rastin.
“Rreth orës 16:00, në rrugën magjistrale Prishtinë – Ferizaj, respektivisht në fshatin Konjuh, ka ndodhur një aksident trafiku rrugor. Në aksident janë përfshirë tri automjete Si pasojë e aksidentit janë lënduar lehtë tre persona. Me rastin po merret njësiti i trafikut rajonal”, ka thënë ai./Insajderi.com