Lideri i NISMA-s Socialdemokrate, Fatmir Limaj, ka zhvilluar një bisedë telefonike me emisarin e Bashkimit Evropian për Dialogun, Miroslav Lajçak. Temë diskutimi ka qenë dialogu në mes Kosovës dhe Serbisë.
Ai tha se kanë biseduar për “aktualitetin politik në vend, me sfidat që po kalon Kosova në këtë periudhë të ndjeshme e jo të lehtë për vendin, sidomos pas zhvillimeve në Dhomat e Specializuara dhe përballje me pandeminë”.
“Përfaqësuesin Special të BE-së për dialogun Kosovë- Serbi, e informova për zhvillimet politike në vend dhe të njëjtën kohë theksova edhe njëherë nevojën për unitet sa më të gjerë në temat nacionale”, ka shkruar ndër tjerash Limaj.
Limaj shtoi në Facebook se “Në këtë kontekst, u bisedua që Kosova të ecë në rrugën e saj në mënyrë që të tejkalohen sfidat që ka para vetës, në fokus të veçantë në rimëkëmbjen ekonomikë, si dhe dialogun Kosovë-Serbi. /Insajderi.com
