Kryetari i Nismës Socialdemokrate, Fatmir Limaj në ditën e të pagjeturve, ka thënë se si çdo ditë tjetër, qëndrojnë pranë familjeve të cilat ende nuk dinë gjë për më të dashurit e tyre.
Limaj tha se kjo plagë vazhdon të rëndojë mbi shtetin e Kosovës, dy dekada pas përfundimit të luftës.
“Në ditën e të pagjeturve bëjmë thirrje edhe njëherë për drejtësi, sepse vetëm ajo i shëron plagët. Është obligim i yni të mos rreshtim së kërkuari ndriçimin e fatit të tyre, sepse vetëm atëherë Kosova e lirë ka kuptim”, ka shkruar ai.
