Zëvendëskryeministri i Kosovës, Fatmir Limaj ka pranuar edhe një përgjegjësi të lartë shtetërore. Sot është zgjedhur kryetar edhe i një komisioni.
Në mbledhjen e sotme të Qeverisë së Kosovës, Kabineti qeveritar ka miratuar vendimin për ndryshimin dhe plotësimin e vendimit për Kompleksin Memorial “Adem Jashari” në Prekaz me të cilin janë bërë ndryshime në përbërjen e Komisionit Ndërministror dhe do të kryesohet nga zëvendëskryeministri Fatmir Limaj.
Limaj ka edhe katër pozita të tjera të larta shtetërore, shkruan Gazeta Insajderi.
Ai është koordinator i mbledhjeve të dy qeverive Kosovë – Shqipëri, kryesues i Delegacionit për bisedimet në mes Kosovës dhe Serbisë, zëvendëskryeministër i vendit dhe kryetar i Nisma Socialdemorakte. /Insajderi.com
