Anëtari i Këshillit të Përgjithshëm të Partisë Demokratike të Kosovës, Lirak Çelaj, ka kontestuar sërish mënyrën e emërimit të njerëzve në kryesinë e PDK-së.
Për më tepër komunikatën e këtij subjekti e ka cilësuar cinike.
“Mund të jenë zgjedhur njerëzit e duhur por vetëm për demokraci të brendshme nuk mund të flitet. Përveç që në Këshill Drejtues nuk na është mundësuar të debatojmë rreth përbërjes së Kryesisë as nuk na është mundësuar të votojmë si duhet”.
“E sot as ky vendim nuk është respektuar duke futur aty emra që as nuk janë paraqitur para Këshillit Drejtues të PDK-së që të votohen në mënyrë ‘demokratike’”, ka shkruar Çelaj.
Më 4 janar, ai i ka drejtuar një letër kreut të partisë, Kadri Veselit, në të cilën ka shfaqur pakënaqësinë e tij në lidhje me procesin e brendshëm zgjedhor, i cili sipas tij nuk është zhvilluar në frymë demokratike.
Pas humbjes në zgjedhje nisin përçarjet në PDK – anëtari i saj kërkon llogari nga Kadri Veseli
Lexo edhe:
PDK zgjedh nënkryetarët dhe sekretarin e përgjithshëm, këta janë emrat
