fbpx

Lirohet dhe niset për në Kosovë, Tomor Morina

Lirohet dhe niset për në Kosovë, Tomor Morina

Ambasadori i Kosovës në Maqedoninë e Veriut, Gjergj Dedaj, ka bërë me dije se është liruar nga paraburgimi ish-luftëtari i UÇK-së, Tomor Morina, i cili ishte ndalur nga autoritetet maqedonase sipas një urdhërarresti të lëshuar nga Serbia.

Dedaj ka thënë për “Epokën e re” se Morina është duke i kryer procedurat për t’u lënë i lirë.

Me këtë rast, Dedaj ka falënderuar Maqedoninë e Veriut për qasjen konstruktive dhe korrekte në raport me trajtimin e këtij rasti.

VIDEO: 

Lirimi i Morinës ka ardhur pas vendimit të Gjykatës Supreme të Maqedonisë së Veriut, e cila konfirmoi se ish-ushtari i UÇK-së nuk do të ekstradohet në Serbi.

Ambasadori i Kosovës në Maqedoninë e Veriut, Gjergj Dedaj, ka pasur një angazhim intensiv për lirimin e Tomor Morinës.

Ai ka takuar zyrtarë të lartë shtetërorë të Maqedonisë së Veriut për lirimin e Morinës.

Dedaj së fundi e kishte vizituar ish-ushtarin e UÇK-së, Tomor Morina, në burgun e Shutkës ku po mbahej në arrest.