Shefi i një prej kompanive më të mëdha të plehrave në botë ka thënë se lufta në Ukrainë do të sjellë një tronditje në furnizimin global dhe koston e ushqimit, shkruan BBC.
Svein Tore Holsether, shefi i Yara International, tha se çmimet e plehrave, të cilat tashmë ishin të larta përpara pushtimit rus për shkak të rritjes së çmimeve të gazit, mund të vazhdojnë të rriten.
Yara, e cila operon në më shumë se 60 vende, blen sasi të konsiderueshme të lëndëve të para thelbësore nga Rusia.
Rusia prodhon sasi të mëdha të lëndëve ushqyese, si potasi dhe fosfati – përbërës kryesorë në plehra, të cilët u mundësojnë bimëve dhe kulturave të rriten.
“Për mua, nuk është nëse po kalojmë në një krizë globale ushqimore – është se sa e madhe do të jetë kriza,” shtoi Holsether. /Insajderi.com
