Nënkryetari i LDK-së, Lutfi Haziri ka apeluar për deputetet e Kuvendit të Kosovës që t’i votojnë ligjet financiare që t’i mundësohet Gjilanit të ndërtojë impiantin e ujërave të zeza, njofton insajderi.
Sipas Hazirit është jetike për qytetin e Gjilanit dhe fshatrave përreth ky projekt meqë ndoten çdo ditë nga kanalizimi dhe mbeturinat.
“Është jetike zgjidhja e problemit më të madh për qytetarët e Gjilanit dhe vendbanimet tjera afër rrjedhjes së lumenjve, Mirusha, Stanishorka e Morava, siç janë Zhegra, Cernica, Livoq i Poshtëm dhe Livoqi i Epërm, Malisheva, Uglari, Pogragja dhe 40 vendbanime të tjera që janë ndotur nga kanalizimet dhe mbeturinat”.
Më pas Haziri ka shtuar se do të shpërfaqin shpirtngushtësi ata që nuk e votojnë këtë projekt dhe e dëmtojnë Gjilanin dhe qytetarët e tij.
“Ata që votojne kundër, do t’i kujtojmë si shpirtngushtë e shuplaken e tyre për qytetarët e Gjilanit nuk e harrojmë”./Insajderi.com
