Një grup i nacionalistëve polakë janë mbledhur sot para Ambasadës së Shteteve të Bashkuara në Krakow të Polonisë për një manifestim kundër Pavarësisë të Kosovës.
Sipas asaj që shkruan Radio Krakow, protestuesit janë parë teksa mbanin në duar flamurin serb dhe një pankartë me mbishkrimin: “Kosova është Serbi”.
Ky manifestim i nacionalistëve polakë është organizuar nga ultrasit e futbollit polak. Këtë manifestim ultrasit polakë e kanë parlajmëruar një ditë më parë përmes rrjetit social Twitter.
Një grup i njerëzve kanë protestuar edhe më parë kundër njohjes së Pavarësisë së Kosovës nga shteti i Polonisë. /Insajderi.com
