Sipas “Financial Times“, Maqedonia e Veriut ndodhet në vendin e tretë në listën botërore për nga numri i vdekjeve nga COIVD-19 me dy të vdekur në 100 mijë banorë.
Në vendin e dytë ndodhet Bosnja dhe Hercegovina me 2.31 në 100 mijë banorë, ndërsa Hungaria është e para me 2.44 të vdekur në 100 mijë banorë.
Sa i përket numrit të të infektuarve, Maqedonia e Veriut në këtë listë është në vendin e 11-të në botë me 52.8 persona në 100 mijë banorë, ndërsa para RMV-së në këtë listë ndodhet Turqia, Jordani, Estonia, Polonia, Qipro, Serbia, Hungaria, Bahrejn, Urugai dhe Kuruaka.Ndryshe, analiza e “Financial Times” është bërë pas marrjes së të dhënave të “John Hoplins”, OBSH, “UK Government coronavirus dashboard”, Agjencia për Shëndet Publik në Francë dhe Agjencia e Suedisë për Shëndet Publik. /Insajderi.com
