Hashim Thaci po pyetet nga prokuroria në Hagë, pasi rreth një muaj më parë iu ngrit aktakuzë nga Gjykata Speciale. Ai po akuzohet për krime lufte, bashkë me Kadri Veselin dhe nëntë veta të tjerë.
Intervistimi i Presidentit të Kosovës, Hashim Thaçi në Hagë, do të vazhdojë edhe gjatë ditës së sotme.
Dje, e hënë, Thaçi qëndroi për rreth shtatë orë brenda ambienteve të Dhomave të Specializuara të Hagës, ndërsa pasi doli tha se “ishin bërë vetëm këmbimet e teknikaliteteve midis avokatit dhe prokurorit të Hagës”.
Para mbërritjes së Thaçit dhe gjatë gjithë kohës deri në largimin e tij nga objekti i Dhomave të Specializuara, te dyert e kësaj ndërtese kanë qëndruar një numër protestuesish shqiptarë.
Ata përpos që mbështetnin luftën e pastër të UÇK-së kërkonin edhe drejtësi për krimet e kryera në Kosovë gjatë luftës së fundit nga ushtria dhe policia serbe./Insajderi.com
