Fakulteti Ekonomik në kuadër të Universitetit të Prishtinës mbështetur nga UNDP dhe Komisioni Europian do të organizojë konferencën e parë shkencore ndërkombëtare “Shoqëria e bazuar në dije si Strategji për Zhvillim më të shpejtë Ekonomik”.
Konferenca do të mbahet sot në Fakultetin Ekonomik, Universiteti i Prishtinës “Hasan Prishtina”, raporton ekonomia-ks.
Konferenca do të promovojë hulumtimin shkencor, bashkëpunimin akademik dhe rrjetëzimin midis hulumtuesve në Kosovë dhe kolegëve të tyre nga rajoni i Ballkanit dhe vendeve të tjera evropiane, si dhe do të bëhet promovimi i revistës së parë shkencore mbi ekonominë dhe shkencat shoqërore në Fakultetin Ekonomik.
Gjatë konferencës, hulumtuesit do të prezantojnë punimet e tyre shkencore teorike, të aplikueshme dhe institucionale në fushat relevante dhe bashkekohore. Konferenca është e orientuar ne baze te modelit të diskutimit të zhvillimeve bashkëkohore të biznesit dhe ekonomisë dhe problemeve që janë sfida globale.
