Mbi 300 punëtorë të ndërmarrjes “Trepça” janë duke protestuar për shkak se thonë që nuk i kanë marrë pagat e tyre.
“Po bahet fjalë për paga. Arsyeja kryesore është kjo. Planin e punës e kemi realizuar për 100% , kemi punuar në kushte të jashtëzakonshme”, ka thënë Gani Osmani, kryetari i Sindikatës së Trepçës për Insajderin.
“Arsyet e mosmarrjes së pagave nuk po dimë. Vetëm paga e muajit të kalum nuk ka dalë”.
Të njëjtit janë tubuar në një hapësirë edhe pse në pandemi janë të ndaluara tubimet e tilla.
Osmani tha se janë duke e rrezikuar edhe shëndetin e tyre pasi nuk janë duke respektuar masat mbrojtëse.
“Jemi diku mbi 300 veta, as 10% s’kanë masa mbrojtëse dhe as distancën s’po e respektojmë”.
“Askund në botë sot nuk besoj së janë mbledhur kaq shumë njerëz sa ne këtu.
Osmani ka treguar se tashmë një anëtarë i bordit ka shkruar t’i vizitojë dhe beson se kjo çështje do të zgjidhet./Insajderi.com
