Koordinatori i Qendrës së Vaksinimit në sallën “1 Tetori”, Niman Bardhi, ka thënë se deri të premten janë vaksinuar 61 mijë persona kundër COVID-19, shkruan Insajderi.
Bardhi ka deklaruar se gjatë ditës së premte në nivel vendi janë vaksinuar 500 persona në të gjitha qendrat e vaksinimit në komunat e Kosovës.
“Vetëm sot mbi 500 persona në nivel vendi janë vaksinuar, kurse nga dita e parë në nivel vendi mbi vaksinën e kanë marrë mbi 61 mijë persona”, ka thënë koordinatori i kësaj qendre.
Ai më tej, tha se procesi është duke shkuar në rregull dhe nuk ka ndonjë parregullsi.
“Procesi është duke vajtur shumë mirë, është në nivelin e duhur”, ka deklaruar Bardhi./Insajderi.com
